На «Гродна Азоце» пазапланава спыніўся цэх
У ААТ «Гродна Азот» пазапланава спынілася праца абсталявання ў цэху «Аміяк-4». Такая інфармацыя размешчана на сайце карпаратыўнай газеты «Гродзенскі хімік».
Праца абсталявання спынілася ў 14:35. Сцвярджаецца, што гэта адбылося з-за памылкі персаналу электрацэха, які выконваў планавае абслугоўванне. Пасля спынілася праца тэхналагічна звязанага цэха «Карбамід-4».
Працу цэхаў адновяць на працягу сутак.