Тэлеграм-канал «Беларусь галаўнога мозгу» прызнаны экстрэмісцкім
Такое рашэнне было прынята 19 красавіка судом Чыгуначнага раёна Гомеля. Падставай для гэтага сталі матэрыялы абласнога ўпраўлення ГУБАЗіКа, паведамляе прэс-служба МУС
«У суполцы сістэматычна размяшчаліся экстрэмісцкія матэрыялы, у тым ліку накіраваныя на распальванне сацыяльнай варожасці, а таксама абразы прадстаўнікоў праваахоўных органаў і дзяржслужачых», — гаворыцца ў паведамленні.
За публікацыю (рэпост) інфармацыі з названага інтэрнэт-рэсурсу прадугледжана адміністрацыйная адказнасць і пакаранне да арышту.
Тэлеграм-канал стварыў Ігар Лосік, які ад 25 чэрвеня знаходзіцца за кратамі.