Пад Астраўцом затрымалі грамадзяніна Нідэрландаў. Ён ішоў да нас па лепшае жыццё
Літоўскія памежнікі паведамілі беларускім калегам аб з'яўленні невядомага з роварам ля мяжы. Ён незаконна прабраўся з Літвы ў Беларусь і ўцёк у лес у Астравецкім раёне.
gpk.gov.by
У выніку пошуку парушальнік быў затрыманы за 200 метраў ад дзяржмяжы. Ім аказаўся 48-гадовы грамадзянін Нідэрландаў, піша s13.ru.
Замежнік распавёў, што хацеў пачаць новае жыццё ў Беларусі або Расіі, а трапіць сюды законна не мог.
У выніку яго чакае штраф, дэпартацыя і забарона ўезду на 5 гадоў.