Яшчэ адзін рэгіянальны тэлеграм-канал прызнаны экстрэмісцкім
З ініцыятывы Баранавіцкай міжраённай пракуратуры інфармацыя тэлеграм-канала «Баранавічы-97%» прызнаная экстрэмісцкімі матэрыяламі.
Пра гэта паведамляе Генеральная пракуратура.
Паводле пракуратуры, адміністратары канала публічна распаўсюджвалі публікацыі з заклікамі да экстрэмісцкай дзейнасці, у тым ліку да хуліганскіх дзеянняў і гвалту ў дачыненні да супрацоўнікаў міліцыі.
У выніку суд Ленінскага раёна Брэста задаволіў заяву пракуратуры.
Раней экстрэмісцкімі быў прызнаны шэраг рэгіянальных тэлеграм-каналаў Гомельшчыны і Магілёўшчыны.