У Маладзечне 22-гадовая дзяўчына абразіла суддзю, якая асудзіла яе на 20 базавых. Завялі крымінальную справу
29 верасня 22-гадовая маладзечанка пакінула два каментарыі ў мясцовым тэлеграм-чаце. Гэтыя каментарыі следчыя Маладзечанскага РАСК расцаніла як абразу суддзі, паведамляе «Рэгіянальная газета» са спасылкай на СК.
Раней дзяўчына прыцягвалася да адміністрацыйнай адказнасці за ўдзел у несанкцыянаваным масавым мерапрыемстве ў жніўні 2020 года. Яе справу разглядала суддзя, якую пасля нібыта абразіла дзяўчына. У выніку штраф — 20 базавых
Дзяўчына цалкам прызнала віну наконт абразы. Санкцыя па артыкуле — штраф, выпраўленчыя працы на тэрмін да двух гадоў, арышт ці абмежаванне волі на тэрмін да трох гадоў.
Яна знаходзіцца на волі пад падпіскай.