Алена Леўчанка: Лядовых палацаў у нас шмат, давайце пабудуем хаця б адну баскетбольную залу
Да жніўня гэтага года будзе звярстаны комплексны план развіцця баскетбола, каб надаць «новы імпульс» гэтаму віду спорту.
Пра гэта паведаміў старшыня Беларускай федэрацыі баскетбола Віктар Камянкоў 22 чэрвеня на прэс‑канферэнцыі ў рэдакцыі газеты «Комсомольская правда» в Белоруссии», падчас якой былі падведзены вынікі выступлення жаночай зборнай на чэмпіянаце Еўропы ў Латвіі.
«Такія каманды, як жаночая, заслугоўваюць самай пільнай увагі», — падкрэсліў В.Камянкоў. У плане, паводле яго слоў, адлюстраваны пытанні развіцця баскетбола на ўсіх узроўнях, уключаючы школьны «і ранейшы». У Мінску неабходна пабудаваць новыя залы, у іншых рэгіёнах яны ёсць, адзначыў В.Камянкоў.
На пытанне капітана зборнай Наталлі Трафімавай, ці ёсць у яе шанс пагуляць у новай зале, кіраўнік федэрацыі адказаў сцвярджальна.
Адзін з лідэраў каманды Алена Леўчанка адзначыла, што ў краіне шмат лядовых палацаў, і заклікала пабудаваць хаця б адну баскетбольную залу.