Падвяла цяга да ракаў
На адным і тым жа вадаёме дзяржінспектары затрымалі за аднолькавае правапарушэнне — незаконную здабычу ракаў — двух браканьераў.
На адным і тым жа вадаёме Падгорнае Стаўбцоўскага раёна дзяржінспектары на працягу пэўнага часу затрымалі за аднолькавае правапарушэнне — незаконную здабычу ракаў — двух браканьераў. Здзіўляе ў гэтых выпадках улоў затрыманых.
Так, вадзіцель Клецкага лясгаса з дапамогай ластаў і маскі паспеў налавіць 113 асобінаў рака. А менеджэр аднаго са сталічных ТАА ў забаронены час, забароненым спосабам здабыў аж 160 вузкапалых ракаў.Тут трэба нагадаць, што з 15 кастрычніка па 15 ліпеня лоўля вузкапалага рака забаронена.
Такім чынам прыродным рэсурсам браканьеры нанеслі ў абодвух выпадках урон у асабліва буйным памеры. У дачыненні да вадзіцеля ўжо заведзеная крымінальная справа, у дачыненні да менеджэра гэта пытанне разглядаецца.