Таццяне Хоміч, сястры Марыі Калеснікавай, уручылі Прэмію свабоды
Міжнародны рэспубліканскі інстытут ЗША ў Вашынгтоне прысудзіў Прэмію свабоды Таццяне Хоміч, прадстаўніцы па палітвязнях, каардынатарцы штаба Віктара Бабарыкі.
У гэтым годзе прэмію таксама атрымаюць дэмакратычныя лідары М'янмы, Літвы і Кубы, паведамляе штаб Бабарыкі.
Прэмія свабоды ўручаецца ў ЗША Міжнародным рэспубліканскім інстытутам штогод з 1995 года. Лаўрэатамі становяцца дзеячы, якія ўнеслі значны ўклад у прасоўванне свабод і дэмакратыі ў свеце.
Дэмакратычныя сілы Беларусі атрымалі ўзнагароду другі раз. У 2020 годзе Прэміяй свабоды ўзнагародзілі Святлану Ціханоўскую, Марыю Калеснікаву і Вераніку Цапкалу за фарміраванне нацыянальнага руху, якое прывяло да абуджэння дэмакратыі ў Беларусі.