Памёр гомельскі археолаг Алег Макушнікаў
Яму быў 61 год. Калегі пішуць, што прычынай смерці быў кавід.
Пайшоў з жыцця доктар гістарычных навук, прафесар Алег Анатольевіч Макушнікаў — вядомы беларускі археолаг, гісторык, пісьменнік, даследчык айчыннай мінуўшчыны.
Пахаванне адбудзецца ў пятніцу. Час пахавання ўдакладняецца
Алег Макушнікаў нарадзіўся ў Гомелі ў 1960 годзе.
Быў дырэктарам Гомельскага абласнога археалагічнага цэнтра (1990—1993), з 1993 года — на кафедры гісторыі славян і спецыяльных гістарычных дысцыплін гістарычнага факультэта Гомельскага ўніверсітэта. У 2011 г. абараніў доктарскую дысертацыю «Сацыяльна-эканамічнае і этнакультурнае развіццё Гомельскага Падняпроўя ў V — XIII стст.».