Дзяржаўны пагранічны камітэт «не бачыць аб'ектыўных прычын» для закрыцця пункта пропуску на мяжы з Польшчай
Дзяржаўны памежны камітэт Беларусі пракаментаваў рашэнне польскіх уладаў зачыніць міжнародны аўтадарожны пункт пропуску «Кузніца Беластоцкая» на мяжы дзвюх краін.
«Аб'ектыўных прычын для прыняцця такога рашэння беларускі бок не бачыць», — адзначаюць у ведамстве.
Пры аднаўленні працы пункта пропуску «беларускія службы гатовыя забяспечыць афармленне ў штатным рэжыме «(з боку Беларусі — «Брузгі»).
Пункт пропуску «Кузніца Беластоцкая» закрыты 9 лістапада ў 7.00 па мясцовым часе (у 9.00 па мінскім) у сувязі са спробай вялікай групы нелегальных мігрантаў прарвацца ў Польшчу.