Трывожная карціна. Прыкладна за 40 кіламетраў ад Бабруйска калона цяжкой вайсковай тэхнікі рухалася ў бок Гомеля
Відэа перамяшчэння тэхнікі апублікаваў тэлеграм-канал «Беларусь за МКАДом». Гэта блізка ад выезду з палігона, але паказальна, што тэхніка кіруецца не на палігон, а з палігона — у кірунку ўкраінскай мяжы.
Заходнія разведкі сцвярджаюць, што напад Расіі або Расіі з Беларуссю на Украіну можа адбыцца нават у найбліжэйшыя дні. Расія і Беларусь сканцэнтравалі вакол украінскіх межаў каля 150 тысяч вайскоўцаў і самае сучаснае наступальнае ўзбраенне, сярод якіх ракеты «Іскандэр».