Спартыўны арбітражны суд дазволіў фігурыстцы Каміле Валіевай выступаць на Алімпіядзе
Расійская фігурыстка Каміла Валіева зможа выступіць у адзіночных спаборніцтвах на Алімпіядзе ў Пекіне.
Пра гэта гаворыцца ў рашэнні Спартыўнага арбітражнага суда (CAS), на пасяджэнні якога разгледзелі апеляцыю па справе Валіевай.
На мінулым тыдні стала вядома, што ў допінг-пробе 15-гадовай фігурысткі быў выяўлены забаронены прэпарат, прычым проба была здадзеная яшчэ ў снежні.
Паведамлялася, што ў зборнай Расіі могуць забраць золата ў камандных спаборніцтвах па фігурным катанні, аднак гэтага не адбылося.
Жаночая кароткая праграма ў рамках індывідуальных спаборніцтваў пройдзе 15 лютага, фінальная праграма пройдзе 17 лютага.