У Польшчы затрымалі беларуса, які вёз трох сірыйцаў. Яму пагражае да 8 гадоў турмы
Паліцыя Польшчы затрымала грамадзяніна Беларусі, які вёз у сваім «Опелі» трох сірыйцаў, што незаконна перасеклі беларуска-польскую мяжу, паведамляе TVP.
Скрыншот відэа
У гміне Мілейчыцы паліцыя спыніла для праверкі «Опель» з польскімі нумарамі. За рулём быў 36-гадовы беларус, у салоне сядзелі трое нелегалаў з Сірыі.
Кіроўцу затрымалі і даставілі ў паліцыю, яго машыну адправілі на штрафстаянку, сірыйцаў перадалі памежнікам.
У дачыненні да беларуса распачалі крымінальную справу за дапамогу ў незаконным перасячэнні мяжы. Цяпер яму пагражае да 8 гадоў пазбаўлення волі.