МАРГ спыніў продаж яек з паметкай «Эка»
Міністэрства антыманапольнага рэгулявання і гандлю выдала прадпісанне на спыненне продажу яек ад кампаніі АBC з надпісам на ўпакоўцы «Эка яйкі АВС».
МАРГ звяртае ўвагу на тое, што згодна з законам, спажыўцу трэба даводзіць неабходную і дакладную інфармацыю аб таварах.
Апроч таго, інфармацыя аб адметных прыкметах харчовай прадукцыі павінна быць пацверджаная доказамі, а вось дакументы, якія пацвярджаюць дакладнасць інфармацыі пра «эка яйкі», што змяшчалася на спажывецкай ўпакоўцы, прадстаўленыя ў МАРГ не былі.
З мэтай недапушчэння парушэнняў загадана ТАА «Эка яйкі АВС» ліквідаваць парушэнні шляхам прыпынення рэалізацыі курыных яек з такой упакоўкай.