Адэсу зноў атакавалі дронамі-камікадзэ
Уначы Адэская вобласць зноў была атакаваная іранскімі дронамі-камікадзэ, заявілі ва ўкраінскім камандаванні.
Як гаворыцца ў паведамленні аператыўнага камандавання «Поўдзень», адзін беспілотнік быў збіты сродкамі СПА. Два іншыя атакавалі аб'ект вайсковай інфраструктуры.
Пачаўся вялікі пажар і дэтанацыя боепрыпасаў, з-за чаго давялося эвакуяваць мірнае насельніцтва. Паводле папярэдняй інфармацыі, ахвяр і пацярпелых няма.