«Перадала бабулі крэм. Яна не пачула, для чаго ён, але здагадалася». Як?
Мілай «дэтэктыўнай» гісторыяй падзялілася ў фэйсбуку журналістка Ірэна Кацяловіч.
Ілюстрацыйны здымак. Фота: pixabay.com / Alexas_Fotos
Яна расказала, як перадала прэзент бабулі ў Відзах.
«У перадачку для бабулі паклала крэм для рук. Для чаго гэты крэм, яна пачула ад бацькі толькі з другога разу, але сказала, маўляў, так і падумала, бо… гэтаксама пахне ад рук ксяндза, калі бярэш прычасце падчас імшы.
Калі што, відзаўскі ксёндз карыстаецца маркай Rituals», — напісала журналістка.
Касцёл Святой Троіцы (або Нараджэння Дзевы Марыі) у пасёлку, дарэчы, — адзін з самых высокіх у Беларусі. Ён быў пабудаваны з чырвонай цэглы ў пачатку ХХ стагоддзя.
Фота: holiday.by