У Мінску «Тэсла» ўрэзалася ў слуп
У чацвер электрамабіль пратараніў асвятляльную мачту на вул. Кедышкі. Праз аварыю пашкодзілася кантактная сетка тралейбусаў — рух быў спынены. Сам аўтамабіліст атрымаў траўмы.
«ДТЗ здарылася каля 16:10, — расказала ДАІ. — За стырном «Тэсла» знаходзіўся 34-гадовы кіроўца. Ён рухаўся па вуліцы Кедышкі (у напрамку вуліцы Філімонава). У нейкі момант мужчына не справіўся з кіраваннем, выехаў за межы праезнай часткі і ўрэзаўся ў асвятляльную мачту».