Кіраўнік расійскіх будыстаў публічна папрасіў Пуціна даць буратам дровы
Паводле рэлігійнага лідара Хамба ламы Дамбы Аюшэева, сем'і мабілізаваных з Бураціі не могуць атрымаць абяцаныя ім дровы, каб паліць у печы ў сваіх вясковых хатах. Мясцовыя ўлады не варушацца і вырашыць пытанне можа толькі Пуцін, сказаў Аюшэеў падчас зладжанай пуцінскай адміністрацыяй відэаканферэнцыі.
Фота ілюстрацыйнае
У пачатку кастрычніка ўлады рэгіёна паабяцалі выдаць сем'ям мабілізаваных дровы: ад дзесяці да дваццаці кубаметраў на сям'ю. Але, каб іх атрымаць, па словах Аюшэева, трэба сабраць шмат дакументаў і даказаць свае правы на дапамогу. «Пры гэтым у Сібіры ўжо наступілі маразы», — падкрэсліў ён.
Аюшэеў папрасіў Пуціна стварыць спецыяльны орган па кантролі за выдачай дроў.
Варта адзначыць, што адзін з ключавых сюжэтаў расійскай прапаганды на сённяшні дзень — што Еўропа не здолее зімой сябе сагрэць без расійскага газу.