Ціханоўская наведае Гданьскую суднаверф і сустрэнецца з Лехам Валенсам
«Сустрэча важная, таму што адбудзецца напярэдадні цырымоніі ўручэння Нобелеўскай прэміі міру, сярод лаўрэатаў якой сёлета беларускі праваабаронца Алесь Бяляцкі», — паведаміў @pozirkonline старшы дарадца беларускага дэмакратычнага лідара Франак Вячорка.
Фота Офіса Святланы Ціханоўскай
Ён нагадаў, што ў 1980 годзе Валенса стварыў на верфі прафсаюз «Салідарнасць», а ў 1983-м атрымаў Нобелеўскую прэмію міру.
Паводле слоў Вячоркі, практычных палітычных мэтаў у сустрэчы няма, але гэта жэст узаемнай салідарнасці, павагі і нагода падзякаваць Валенсу ў тым ліку за падтрымку Беларусі, дэмакратычных зменаў.
Вечарам 8 снежня ў Варшаве Ціханоўская сустрэнецца з прэзідэнтам Польшчы Анджэем Дудай.