Абедзве машыны ўсмятку — у Барысаўскім раёне адбылася смяротная аварыя
У Барысаўскім раёне адбылася смяротная аварыя. Лоб у лоб сутыкнуліся легкавушкі, ёсць загінулы і пацярпелыя, паведамляе «Мінская праўда».
Здарэнне адбылося 4 снежня каля 11:20.
65-гадовы жыхар Барысава на аўтамашыне «Аўдзі» А6 рухаўся па аўтадарозе Слабада — Навасады з Жодзіна ў Барысаў.
На 43-м кіламетры ён выехаў на паласу сустрэчнага руху, дзе сутыкнуўся з «Опелем Зафіра», за стырном якога быў 68-гадовы жыхар Смалявіцкага раёна. У выніку ДТЗ кіроўцы машын і пасажыр былі дастаўлены ў бальніцу. Барысаўчанін памёр у рэанімацыйным аддзяленні.
Кіроўцу «Опеля» аказалі медыцынскую дапамогу і адпусцілі дадому. Яго 67-гадовая пасажырка шпіталізаваная — жанчына атрымала розныя траўмы.