Анджэй Дуда сустрэўся з маці Рамана Бандарэнкі
Прэзідэнт Польшчы Анджэй Дуда падчас прыёму ў Бельведэрскім палацы сустрэўся з маці забітага Рамана Бандарэнкі спадарыняй Аленай.
Фота: Jakub Szymczuk / KPRP
Учора Дуда сустрэўся ў Варшаве з мясцовай беларускай супольнасцю і лідаркай беларускага дэмакратычнага руху Святланай Ціханоўскай.
Дуда гаварыў пра супольную культуру палякаў і беларусаў, пра супольную гісторыю і традыцыі.
«Мы хочам мець межы са свабоднай, суверэннай Беларуссю, народ якой вырашае сам, — гаварыў ён у сваёй прамове. — Не з акупаванай краінай. Мы падтрымліваем вас і будзем рабіць гэта, каб вы вярнулі сабе радзіму».