У Варшаве збіраюць подпісы за беларускую школу
У польскай сталіцы вядзецца кампанія збору подпісаў, каб атрымаць будынак для беларускай школы ў Варшаве. Яна ініцыянаваная некалькімі адукацыйнымі арганізацыямі беларусаў Польшчы.
З'явілася магчымасць падаць заяўку на атрыманне будынка для беларускай школы 1—8 класаў навучання.
Дзеля гэтага трэба сабраць як мага больш подпісаў ад беларусаў, але менавіта тых, хто пражывае ў Варшаве.
На правядзенне кампаніі ёсць толькі тыдзень — з 16 па 21 студзеня.
Ініцыятарамі збору подпісаў выступаюць дабрачынны фонд Życie, Беларуская школа мастацтваў імя Міколы Равенскага і школа-сад для беларусаў замежжа «Я дома».
Дапамагчы ў зборы подпісаў можа кожны беларус, распаўсюдзіўшы інфармацыю пра гэта сярод сваіх сяброў і знаёмых беларусаў, якія жывуць у польскай сталіцы.
Подпісы можна пакінуць на пляцоўках:
- дабрачынны фонд Życie ul. Jaworzyńska 8/7 (пн-пт 10:00-16:00
- Музей вольнай Беларусі ul. Foksal 11, 00-327 Warszawa (аўторак/чацвер 16:00-20:00, субота/нядзеля 12:00-20:00)
- Free Belarus Centre ul. Mokotowska 24 оф. 64, (паверх 3-і 19 і 20 студзеня, 10:00-18:00)
- гандлёвы цэнтр Złoty Tarasy ul. Złota 59, 00-120 Warszawa (паверх 0, каля ўваходу ў кавярню Costa Coffee, толькі ў суботу 21 студзеня, 9:00-21:00)
- офіс Руху беларускай салідарнасці ul.Hoża 41 m.2, 00-681 Warszawa (уваход у двор паміж крамай Żabka і аптэкай Doz, на дамафоне націсніце 2, першыя дзверы справа, з панядзелка па пятніцу, 12:00-19:00).
Можна нават сабраць подпісы самастойна. Трэба спампаваць бланк па спасылцы, сабраць подпісы беларусаў і прынесці бланк да нас ці да любога іншага пункта збору подпісаў. Можна ўпісаць і дзяцей, за іх подпіс ставіць бацька ці маці. Важна памятаць, што калі будзеце самі збіраць подпісы — не стаўце нумарацыю на бланках. Бланкі з подпісамі, сабранымі самастойна, можна пакідаць на тых жа пляцоўках, пазначаных вышэй.