Вярхоўны суд пакінуў у сіле прысуд па справе лідараў Прафсаюза радыёэлектроннай прамысловасці
Разгляд апеляцыі прафсаюзнікаў пачаўся 31 сакавіка, рашэнне было вынесенае 3 красавіка, паведамляе «Вясна». Працэс вёў суддзя Пятро Лістраценка.
5 студзеня Мінскі гарадскі суд асудзіў 73-гадовага старшыню прафсаюза Васіля Бераснева і шматгадовага лідара аб'яднання 66-гадовага Генадзя Фядыніча да 9 гадоў калоніі ўзмоцненага рэжыму, 68-гадовага актывіста Вячаслава (Вацлава) Арэшку — да 8 гадоў калоніі агульнага рэжыму.
Усе трое прызнаныя палітвязнямі. У найбліжэйшы час іх перавядуць у калоніі.