У Хартуме застаецца 10 беларускіх грамадзян — МЗС
Прэс-сакратар МЗС Анатоль Глаз пракаментаваў інфармацыю СМІ пра тое, што беларускіх лётчыкаў, якія апынуліся ў Судане, удалося эвакуяваць.
«Гэта не зусім так. Выехалі з Судана ў Егіпет праз сухапутную мяжу 6 беларускіх грамадзян, якія працавалі на суданскія кампаніі па прыватных кантрактах, а не на беларускага авіяперавозчыка. Прытым гэтая ініцыятыва была спалучаная з вялікай рызыкай. Мяжу ўдалося перасячы пры актыўным садзейнічанні нашых дыпламатаў і расійскіх калег. Насустрач нам пайшлі і егіпецкія ўлады. Цяпер яны знаходзяцца ў Егіпце для далейшага руху на радзіму», — паведаміў Анатоль Глаз.
Па яго словах, па стане на 28 красавіка ў Хартуме знаходзяцца дзесяць беларускіх грамадзян, трое з якіх размешчаны ў пасольскім комплексе Расіі.
«Месцы знаходжання ўсіх беларусаў вядомыя і з'яўляюцца найбольш бяспечнымі ў існуючых умовах. Консульская служба пасольства Беларусі ў Егіпце падтрымлівае з усімі пастаянную сувязь. Прапрацоўваюцца спосабы і шляхі іх эвакуацыі», — зазначыў Анатоль Глаз.
Чытайце таксама:
Беларускія лётчыкі, што захраслі ў Судане, пакінулі краіну
У Судане праз узброеныя сутыкненні захрас экіпаж беларускага самалёта Belcanto Airlines
Спроба вайсковага перавароту ў Судане. Там пачаліся сутыкненні паміж арміяй і «джынамі на конях»