У Расіі будуць пазбаўляць грамадзянства за «дыскрэдытацыю арміі»
28 красавіка прэзідэнт Расіі Уладзімір Пуцін падпісаў закон аб пазбаўленні набытага грамадзянства РФ за дыскрэдытацыю расійскай арміі і за ўчыненне дзеянняў, якія ствараюць пагрозу нацыянальнай бяспецы.
Фота ілюстрацыйнае
Да падстаў для пазбаўлення грамадзянства аднесеныя ў тым ліку публічныя заклікі да дзеянняў супраць тэрытарыяльнай цэласнасці, публічныя заклікі да экстрэмізму, замах на жыццё дзярждзеяча і арганізацыя ўзброенага бунту.
Паводле гэтага закона, любы натуралізаваны грамадзянін Расіі, то-бок той, які стаў ім не па праве нараджэння, а ў выніку прыёму ў грамадзянства, — страціць яго ў выпадку вынясення ў дачыненні да такой асобы прысуду за дыскрэдытацыю Узброеных сіл Расіі.
Чытайце таксама: