Украінскія падраздзяленні за дзень захапілі больш за дзесяць варожых пазіцый пад Бахмутам — Маляр
Намесніца міністра абароны Украіны Ганна Маляр распавяла пра сітуацыю на фронце на бахмуцкім кірунку.
Бахмут. Ілюстрацыйнае фота: прэс-служба палка Каліноўскага
«Нашы падраздзяленні за сёння захапілі больш за дзесяць варожых пазіцый на поўначы і поўдні ваколіц Бахмута і зачысцілі значную плошчу ляснога масіву ў раёне Іванаўскага. Узяты ў палон варожыя салдаты з розных часцей», — заявіла Маляр у тэлеграм-канале.
Яна дадала, што працягваюцца жорсткія баі.
Сёння ранкам паведамлялася, што пад Бахмутам знішчана камандаванне расійскай 4-й мотастралковай брыгады.
Чытайце таксама:
Пад Бахмутам знішчана камандаванне расійскай 4-й мотастралковай брыгады