У Пухавіцкім раёне на пажары загінулі двое мужчын
Па даных СК, ноччу 15 мая пры ліквідацыі пажару ў дачным доме ў вёсцы Задошчанне знойдзеныя целы 55-гадовага гаспадара і невядомага мужчыны.
Згарэлая дача ў Пухавіцкім раёне. Кадр з відэа
Са слоў суседзяў, загінулы разам са знаёмым прыехаў у вёску, яны ўжывалі спіртныя напоі.
Папярэдне разглядаюцца некалькі версій узнікнення пажару: неасцярожнае абыходжанне з агнём пры курэнні і няспраўнасць праводкі.