Мужчыну са Жлобіна асудзілі па «народным» артыкуле на два гады «хіміі»
У судзе Жлобінскага раёна асудзілі Дзмітрыя Кіба паводле ч. 1 арт. 342 (арганізацыя дзеянняў, што груба парушаюць грамадскі парадак) КК. Суддзя Раман Крыловіч прызначыў Дзмітрыю два гады «хіміі», піша «Вясна».
Мужчыну абвінавацілі ва ўдзеле ў акцыях пратэсту ў 2020 годзе ў Жлобіне, а таксама ў выхадзе на праезную частку падчас акцый. Дзмітрый цалкам прызнаў сваю віну і раскаяўся ў здзейсненым. Да суда ён знаходзіўся пад асабістай парукай.
Дзмітрый Кіб мае сярэднеспецыяльную адукацыю, працаваў слесарам на прыватным прадпрыемстве.