Украінскія Паветраныя сілы абверглі інфармацыю пра запуск у суботу ракет з Беларусі
Спікер Паветраных сіл Украіны Юрый Ігнат абвергнуў запуск ракет з Беларусі па Украіне ў суботу і патлумачыў, як маглі з'явіцца чуткі аб пусках.
«Кінжал». Скрыншот відэа Мінабароны Расіі
Юрый Ігнат патлумачыў, што ракеты «Кінжал» былі запушчаныя з самалёта МіГ-31 паблізу Тамбова і траекторыя іх палёту праходзіла праз Беларусь. І менавіта з гэтага боку яны заходзілі ў паветраную прастору Украіны ў напрамку Хмяльніцкай вобласці, сказаў ён.
Раней пра тое, што запускаў ракет з тэрыторыі Беларусі не фіксавалася, заяўляла маніторынгавая група «Беларускі Гаюн».