Такім Нясвіжскі замак вы не бачылі. Упрыгожыць палац прыехалі фларысты з усёй Беларусі
На днях у Нясвіжы адбылося свята «Кветкі палаца». У замку прайшлі майстар-класы па пляценні вянкоў, гістарычных танцах, кірмаш і конкурс прафесійнай фларыстыкі. Але, як расказалі арганізатары, галоўнай ідэяй стала стварэнне габелена з жывых кветак, піша Onliner.
Упрыгожыць радзівілаўскі замак прыехалі фларысты з усёй Беларусі.
Свята «Кветкі палаца» ўпершыню прайшло ў 2022-м. Паводле слоў арганізатараў, тая падзея стала сапраўдным глытком свежага паветра для ўсіх беларускіх фларыстаў і людзей, якія шануюць прыгажосць. Сёлета івэнт вырашана было паўтарыць. Плануецца, што свята стане штогадовым.