У Кыргызстане заявілі пра спробу дзяржаўнага перавароту
Па даных следчых, затрыманыя «фанатычна вызнаюць рэлігійную ідэалогію»
Фота: ДКНБ Кыргызстана
Спецслужбы ў Кыргызстане прадухілілі спробу гвалтоўнага захопу ўлады, паведамляе «АКІргеѕѕ» са спасылкай на Дзяржкамітэт нацбяспекі краіны.
«Спыненая дэструктыўная група, якая выношвала планы гвалтоўнага захопу ўлады і дэстабілізацыі грамадска-палітычнай сітуацыі ў краіне праз масавыя беспарадкі», — распавялі ў спецслужбе.
Паводле версіі следчых, групоўку сфармавалі з «асоб, якія падтрымліваюць ідэалогію крыміналітэту, а таксама фанатычна вызнаюць рэлігійную ідэалогію», якую менавіта — не ўдакладняецца. Затрыманыя пяць чалавек.
Падрабязнасці таксама не паведамляюцца.