За незаконнае паляванне затрыманы начальнік ДАІ Астравецкага раёна
Пракуратурай Гродзенскай вобласці распачата крымінальная справа за незаконнае паляванне (ч. 4 арт. 282 КК) у дачыненні да начальніка аддзялення ДАІ Астравецкага РАУС і групы грамадзян.
Як паведамілі ў абласной пракуратуры, афіцэр міліцыі затрыманы. Яму выстаўлена абвінавачанне. Ролю кожнага з удзельнікаў групы, якая палявала, установіць следства.