Урад Ізраіля апублікаваў відэазапіс перадачы закладніц
Сёння ХАМАС вызваліў вайскоўцаў ізраільскай арміі Карыну Арыеў (20 гадоў), Даніэлу Гільбоа (20), Нааму Леві (20) і Ліры Эльбаг (19).
Фота: Abed Hajjar / AP
На відэа былыя закладніцы выходзяць з аўтамабіля Міжнароднага Чырвонага Крыжа і махаюць рукамі. Іх сустракаюць жанчыны-салдаты.
Некаторыя з іх абдымаюць вызваленых ізраільцянак. Ліры Альба глядзіць у камеру і складае рукі ў знак сэрца. Паводле паведамленняў СМІ, кадры знятыя яшчэ ў сектары Газа. Затым вайскоўцы даставілі жанчын у Ізраіль.