Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек
Усім сваякам арыштантаў тэарэтычна пагражае турма.
У рэпрэсіўным спісе 10 тэлеграм-чатаў, 9 вайбер-чатаў і 3 суполкі Укантакце.
У многіх з іх сотні ці нават тысячы падпісчыкаў. Напрыклад, у адной толькі суполцы найбуйнейшай беларускай калоніі — №2 у Бабруйску — больш за 3500 удзельнікаў.
6 красавіка стала вядома, што КДБ надаў такі статус Telegram-чату «СИЗО №1 Колядичи». Гэта самы буйны чат па падтрымцы сваякоў вязняў, дзе сабраныя розныя гайды, якія дапамагаюць людзям арыентавацца пасля затрымання блізкага.