У Гродне сабралі першы ўраджай баклажанаў
У Гродне ў цяпліцах пачаўся першы збор ураджаю баклажанаў, і ўжо ў найбліжэйшы час у продаж паступіць свежая мясцовыя гародніна.
Здымак ілюстрацыйны. Фота: Freepik.com
На Гродзенскай агародніннай фабрыцы ўжо сабралі каля дзвюх тон баклажанаў. Як адзначыла галоўны аграном Таццяна Апонік, апошнія дзесяць гадоў там вырошчваюць гатунак «Беёнсэ», які добра прыжыўся ў мясцовых умовах і дае стабільны ўраджай — прыкладна 24 кілаграмы з аднаго квадратнага метра.
Збор баклажанаў патрабуе асцярожнасці: работнікі выкарыстоўваюць секатары, каб не пашкодзіць расліны, і ўважліва аглядаюць кожны плод. Гародніна з дэфектамі, напрыклад з палоскамі або ўвагнутасцямі на скурцы, адбракоўваецца і ў продаж не трапляе.
Акрамя баклажанаў, у цяпліцах ужо спеюць таматы. Іх таксама сабралі каля дзвюх тон, а далейшыя аб’ёмы будуць павялічвацца. Ураджай здымаюць некалькі разоў на тыдзень. Вырошчваюць як даўно вядомыя гатункі, напрыклад «Тарэра», так і новыя — «Ксантэра» і «Секурытас».
Таксама паведамляецца, што прыкладна да 20 красавіка чакаецца першы ўраджай салодкага перцу.
Чытайце таксама:
У Мінску пачнуць вырошчваць жоўтыя і шакаладныя таматы
Следам за цяплічнымі агуркамі павялічаць вытворчасць і памідораў
«У снежні выдаткавала на ежу 115 рублёў». Як беларусы эканомяць у крамах