ФІФА не плануе замяняць зборную Ірана на чэмпіянаце свету па футболе
Іран прапанавалі замяніць Італіяй.
Зборная Ірана. Фота: Gao Meng / VCG via Getty Images
У ФІФА не разглядаюць сцэнар з заменай зборнай Ірана на Італію на будучым чэмпіянаце свету, нягледзячы на ранейшыя прапановы, паведамляе Бі-бі-сі.
Раней з ініцыятывай выступаў пасланнік прэзідэнта ЗША Дональда Трампа Паала Замполі. Ён заяўляў, што зборная Італіі па футболе як чатырохразовы чэмпіён свету магла б атрымаць месца на турніры нават без праходжання кваліфікацыі. Аднак у самой ФІФА гэтая ідэя падтрымкі не знайшла.
Кіраўнік арганізацыі Джані Інфанціна раней падкрэсліваў, што зборная Ірана па футболе «дакладна прыме ўдзел» у турніры.
Дзяржсакратар ЗША Марка Рубіа заявіў, што Злучаныя Штаты будуць рады іранскай камандзе на чэмпіянаце свету
У Тэгеране запэўніваюць, што каманда гатова да спаборніцтваў і плануе выступіць без абмежаванняў.
Чэмпіянат свету па футболе 2026 стартуе 11 чэрвеня і пройдзе ў ЗША, Канадзе і Мексіцы. Зборная Ірана павінна правесці матчы групавога этапу ў ЗША