Пашынян адмовіўся прысутнічаць на парадзе ў Маскве
Прэм’ер-міністр Арменіі заявіў, што не будзе ўдзельнічаць у святочных мерапрыемствах 9 мая ў Маскве.
Фота: Klaudia Radecka / NurPhoto via Getty Images
«Падчас свайго візіту ў Маскву 1 красавіка я праінфармаваў прэзідэнта Расіі, што, паколькі ў Арменіі пачынаецца перадвыбарчая агітацыя, я не змагу прыняць удзел у мерапрыемствах 9 мая», — сказаў Пашынян на брыфінгу для журналістаў па выніках пасяджэння ўрада ў чацвер.
Раней на пасяджэнні ўрада Пашынян заявіў, што пойдзе ў адпачынак для ўдзелу ў перадвыбарчай кампаніі.
Чарговыя парламенцкія выбары ў Арменіі прызначаныя на 7 чэрвеня.