Іран зноў закрыў Армузскі праліў
Прычынай назваў працяг удараў Ізраіля па поўдні Лівана.
Фота: maps4media via Getty Images
Іран абвесціў, што зноў закрывае Армузскі праліў, паведамляе «Аль-Джазіра».
Іран спаслаўся на працяг удараў Ізраіля па поўдні Лівана, што парушае пагадненне аб спыненні вайны з ЗША. Цэнтральнае камандаванне іранскай арміі прыгразіла новымі мерамі, калі ўдары працягнуцца.
Ізраіль і «Хезбала» напярэдадні заключылі пагадненне аб спыненні агню, пры гэтым Ізраіль працягваў абстрэльваць поўдзень Лівана.
ЗША і Іран падпісалі мірнае пагадненне 18 чэрвеня. Адным з пунктаў пагаднення тэрмінам на 60 дзён было спыненне ўдараў Ізраіля па Ліване. Прадугледжвалася таксама зняцце санкцый з Тэгерана і стварэнне фонду аднаўлення Ірана.