У Оршы падлетак залез на апору моста, а назад вылезці ўжо не змог
У Оршы ратавальнікі дапамаглі падлетку, які апынуўся на мосце праз Дняпро на вуліцы Магілёўскай.
Скрыншот з відэа
Хлопец залез на бетонную апору моста, але самастойна выбрацца адтуль ужо не змог. На месца выклікалі супрацоўнікаў МНС.
З дапамогай выратавальнай вяроўкі і лесвіцы ратавальнікі бяспечна знялі падлетка з апоры. Медыцынская дапамога яму не спатрэбілася.