Пяскоў: Дамоўленасцяў аб працягу мірных перамоў з Украінай няма
«Гэта паслядоўная пазіцыя Уладзіміра Пуціна».
Фота: Alexei Danichev, Sputnik, Kremlin Pool Photo via AP
Прэс-сакратар расійскага лідара Уладзіміра Пуціна Дзмітрый Пяскоў заявіў, што ніякіх дамоўленасцяў аб працягу перамоў з Украінай пакуль няма.
«Не, ніякіх дамоўленасцяў няма», — цытуе Пяскова «Інтэрфакс».
Ён таксама дадаў, што гэта «паслядоўная пазіцыя» Уладзіміра Пуціна.
«Ён кажа пра гэта пастаянна, ён казаў пра гэта два гады таму ў МЗС, дзе акрэсліў асноўныя параметры нашай пазіцыі, неабходныя для заканчэння вайны», — заявіў прадстаўнік Крамля.