У Галыгіных нарадзіўся трэці сын. Назвалі яго Лука
Летась беларускі шоўмэн Вадзім Галыгін стаў дзедам, а сёлета зноў татам. Фотаздымкамі ў інстаграме падзялілася яго жонка Вольга Галыгіна.
Вадзім Галыгін з жонкай Вольгай і сынам Лукой. Фота з інстаграма Вольгі Галыгінай
Былая беларуская спявачка і мадэль апублікавала фотаздымкі з радзільні і напісала: «У нас з'явіўся яшчэ адзін любімы дзень у годзе. Сёння нарадзіўся наш трэці сыночак. Мы цябе загадалі і вельмі чакалі. Дзякуй, што абраў нас».
Нованароджанаму далі імя Лука.
Вадзім Галыгін з жонкай Вольгай і сынам Лукой. Фота з інстаграма Вольгі Галыгінай
У сям'і ўжо было два сыны — Вадзім і Іван. Таксама ў 50‑гадовага Вадзіма ёсць ужо дарослая дачка Таісія ад першага шлюбу. Летась яна нарадзіла Галыгіну ўнука.
«Самае прыкольнае — гэта калі ты бярэш на рукі немаўля, і гэта нібыта тваё, але не тваё. Такая адказнасць, гіперадказнасць», — расказаў Галыгін на шоу Паўла Волі.
Чытайце таксама: Галыгіна прымусілі апраўдвацца за зварот да сілавікоў у 2020-м
Цяпер у каментарах да допісу Вольгі Галыгінай перапіс беларускіх і расійскіх зорак — усе (ад Ларысы Грыбалёвай да Міхаіла Галусцяна) віншуюць сям’ю з нараджэннем сына.