У нядзелю да +38°С, у панядзелак да +39°С. Але чакаюцца кароткачасовыя дажджы і навальніцы
Прагноз надвор'я на апошнія дні чэрвеня.
Фота: Mindaugas Kulbis / AP
У нядзелю 28 чэрвеня, пераважна без ападкаў, толькі ўначы месцамі па ўсходзе невялікія кароткачасовыя дажджы, магчымыя навальніцы.
Уначы +14..+20°С, максімальная ўдзень ад +28°С па паўночным усходзе да +38°С па захадзе. У Мінску да +33°С.
У панядзелак уначы ў асобных раёнах па поўначы, удзень месцамі па краіне кароткачасовыя дажджы. У асобных раёнах навальніцы.
Уначы +18..+24°С, па ўсходзе +16..+17°С, удзень ад +30°С па поўначы да +39°С па паўднёвым захадзе. У Мінску да +35°С.
У аўторак, 30 чэрвеня, уначы ў асобных раёнах краіны, удзень месцамі, а па захадзе на большай частцы тэрыторыі кароткачасовыя дажджы. У асобных раёнах навальніцы.
Уначы +17..+24°С, удзень ад +28°С па поўначы да +36°С па поўдні.
Збавенне павінна прыйсці ў другой палове наступнага тыдня
yr.no
gismeteo.by