У Мінску патануў мужчына
Няшчасце здарылася сёння днём.
Сёння ўдзень кампанія з трох чалавек адпачывала на беразе Сляпянскай воднай сістэмы і выпівала, паведамляе СК.
Затым 56‑гадовы мужчына і 41‑гадовая жанчына вырашылі пераплысці вадаём «на хуткасць». Падчас заплыву мінчук пачаў пагружацца пад ваду і неўзабаве знік з поля зроку.
Праз некаторы час сябры выявілі яго на дне вадаёма. Выратавальнікі, якія прыбылі на месца, дасталі мужчыну з вады.
Пасля правядзення рэанімацыйных мерапрыемстваў медыкі канстатавалі смерць мінчаніна.