Эйсмант — Зяленскаму: Маўчы лепш. Глядзіце, каб ядзерная зброя не стаяла на мяжы
Андрэй Крывашэеў, старшыня дзяржаўнага саюза журналістаў, толькі паспяваў ківаць.
Іван Эйсмант і Андрэй Крывашэеў. Скрыншот відэа: news.by
Кіраўнік Белтэлерадыёкампаніі Іван Эйсмант у перадачы «Клуб рэдактараў» выказаўся пра рэтранслятары непадалёк ад беларуска-ўкраінскай мяжы і па-хамску звярнуўся да Уладзіміра Зяленскага.
«Нават калі яны [рэтранслятары] стаяць і глядзяць, якая яму справа? За ўкраінскія ўзброеныя сілы ваююць так званыя беларускія бандфарміраванні. Мэта якіх — увайсці ў Беларусь узброеным шляхам і скінуць уладу. Яны гэта заяўляюць адкрыта, яны падтрымліваюцца Украінай, ёю фінансуюцца і нават праводзяць семінары ў Кіеве пад патранажам ЦРУ і MI6, дзе абмяркоўваюць ваеннае ўварванне на тэрыторыю Беларусі.
Якія рэтранслятары? Глядзіце, каб ядзерная зброя не стаяла на мяжы. Маўчы лепш».
Андрэй Крывашэеў, старшыня дзяржаўнага саюза журналістаў, толькі паспяваў ківаць.