Лукашэнка паляцеў з Расіі ў азіяцкае турнэ
Маршруты пакуль не называюцца.
Прэс-служба Лукашэнкі паведаміла, што той вылецеў з «вялікім комплексным афіцыйным візітам» у рэгіён Усходняй і Паўднёва-Усходняй Азіі, дзе наведае шэраг дзяржаў і правядзе перамовы на найвышэйшым узроўні.
Пункты паездкі не ўдакладняюцца. Паведамляецца, што ён наведае тры краіны.
Супрацоўніцтва з азіяцкімі краінамі прэс-службай названа адным з ключавых знешнепалітычных прыярытэтаў Беларусі, які складае аснову яе шматвектарнай палітыкі.