У Беларусі ствараюць Акадэмію нацыянальнай адукацыі
У Беларусі будзе створана Акадэмія нацыянальнай адукацыі. Адпаведную пастанову падпісаў прэм'ер-міністр Аляксандр Турчын. Новая ўстанова з'явіцца ў выніку рэарганізацыі Акадэміі адукацыі.
Будынак Акадэміі адукацыі на вуліцы Някрасава ў Мінску. Фота: «Яндэкс-Карты»
Да ранейшай Акадэміі адукацыі будуць далучаныя Рэспубліканскі інстытут прафесійнай адукацыі і Рэспубліканскі інстытут вышэйшай школы.
Як паведамляе прэс-служба ўрада, Акадэмія нацыянальнай адукацыі будзе займацца навукова-метадычным суправаджэннем усіх узроўняў адукацыі — ад дашкольнай да вышэйшай, а таксама сістэмай дадатковай адукацыі дзяцей, моладзі і дарослых.
Акрамя таго, новая структура будзе адказваць за павышэнне кваліфікацыі і перападрыхтоўку педагагічных работнікаў.
Чытайце таксама:
Зараз і беларускіх акцёраў будуць русіфікаваць — праз ВГІК