Упершыню за тры гады на турніры Вялікага шлема выступіў беларускі тэнісіст
Беларускі тэнісіст Іван Лютарэвіч паспяхова стартаваў у парным разрадзе Уімблдонскага турніру 2026 года. Беларус выступае на спаборніцтвах у дуэце з мексіканцам Мігелем Рэйес-Варэлам.
Іван Лютарэвіч
У першым крузе турніру беларус і мексіканец перамаглі амерыкана-аўстралійскі дуэт Бенжаміна Кіці і Мэцью Крыстафера Роміяса — 6:1, 6:3. Наступнымі сапернікамі беларуса і мексіканца стануць амерыканец Осцін Крайчак і харват Нікола Мекціч — 14‑я пара турніру.
Іван Лютарэвіч стаў першым за тры гады беларускім тэнісістам, які выступіў у асноўнай сетцы турніру Вялікага шлема. Папярэдні раз падобнае адбылося ў 2023 годзе — тады Ілья Івашка быў удзельнікам Адкрытага чэмпіянату ЗША ў адзіночным мужчынскім разрадзе.
Уімблдонскі турнір працягнецца да 12 ліпеня.
Чытайце таксама:
Сабаленка і Шымановіч дазналіся суперніц па Уімблдоне