У Мінску на пляжы заўважылі жывога краба ВІДЭА
На пляжы Цнянскага вадасховішча ў Мінску адпачывальнікі заўважылі маленькага жывога краба. Відэа з незвычайнай знаходкай з'явілася ў сацыяльных сетках.
Фота: threads.com/@nedvizhka_minsk
На кадрах краб поўзае па пяску, пакуль побач адпачываюць і купаюцца людзі. Паводле аднаго з каментароў, гэта, імаверна, вясёлкавы краб, якога нехта набыў у якасці хатняга гадаванца, але пасля выпусціў у вадаём, не здолеўшы забяспечыць належны догляд.
Карыстальнікі адзначаюць, што падобныя выпадкі здараюцца і з чырвонавухімі чарапахамі, якіх таксама часта выпускаюць у беларускія вадаёмы.
Многія каментатары выказалі шкадаванне, што ў прэснай вадзе такой жывёліне будзе вельмі складана выжыць. Некаторыя спадзяюцца, што краба забралі людзі і змясцілі ў больш прыдатныя для яго ўмовы.
Чытайце таксама:
Санэпідслужба праверыла афіцыйныя пляжы Беларусі: купацца можна
У Валожынскім раёне на пляж прыйшлі дзікія коні ВІДЭА