У Полацкім раёне ў ДТЗ загінула 17‑гадовая дзяўчына
Увечары 3 ліпеня каля 18:50 на аўтадарозе «Пад'езд да Полацка ад аўтадарогі Р-20» адбылася дарожна-транспартная аварыя са смяротным вынікам, паведаміла ДАІ Віцебскай вобласці.
Паводле папярэдняй інфармацыі, 20‑гадовы кіроўца аўтамабіля BMW не справіўся з кіраваннем, выехаў на паласу сустрэчнага руху і сутыкнуўся з аўтамабілем Volkswagen.
У выніку аварыі 17‑гадовая пасажырка BMW атрымала смяротныя траўмы і загінула на месцы здарэння. Кіроўца легкавіка атрымаў траўмы і быў шпіталізаваны.
Па факце ДТЗ праводзіцца праверка.