Мама студэнткі-выдатніцы расказала пра выдаткі на выпускны
Гомельская блогерка, мама студэнткі з чырвоным дыпломам Алена Кротава расказала, у колькі абышліся зборы дачкі на ўручэнне чырвонага дыплома.
Алена кажа, што дачка ўвайшла ў лік 24 найлепшых студэнтаў краіны. І да ўручэння чырвонага дыплома яна рыхтавалася грунтоўна.
Але выдаткі былі эквівалентнымі яшчэ аднаму семестру навучання, кажа Алена. Яна паказала каштарыс.
Спадніца — 80 рублёў, топ — 160 рублёў.
Пад убранне абутак — басаножкі за 70 рублёў.
Аксесуары — 35 рублёў.
Манікюр — 50 рублёў, педыкюр — 60 рублёў.
Карэкцыя броваў — 40 рублёў.
Вейкі нарасціць — 70 рублёў (але на гэтым сэканомілі, бо Алена сама майстар тут).
Прычоска і макіяж — 250 рублёў, але дачка сама зрабіла, і таксама эканомія атрымалася добрая.
Каб убранне выглядала больш эфектна, замовілі паслугу аўтазагару — 50 рублёў.
Разам атрымалася 865 беларускіх рублёў, не лічачы кветак і выдаткаў на таксі.
«Я, вядома, не скупянда, але сума выйшла прыстойнай. Можна было пыласос вертыкальны купіць або за адзін семестр магістратуры заплаціць, — кажа Алена і пытае меркавання.— Як вы лічыце, гэта шмат ці мала для падзеі з некалькіх гадзін жыцця?»